Shymkentte QR azamattyǵyn satpaq bolǵan sheneýnikke qatysty sot bastaldy

TÚRKІSTAN. QazAqparat - Shymkentte Kóshi-qon polıtsııasynyń burynǵy basshysyna qatysty sot otyrysy bastaldy. Polıtsııa polkovnıgi Nurdáýlet Tólegenulyna  sheldikterge jalǵan qujat jasady degen aıyp taǵylýda, dep habarlaıdy QazAqparat tilshisi.

Ony osy jyldyń 10 sáýiri kúni UQK-niń jedel-tergeý toby jáne ІІD-niń Ózindik qaýipsizdik basqarmasynyń qyzmetkerleri ustaǵan bolatyn. Tergeý kezinde polıtsııa qyzmetkerine alaıaqtyq jasady jáne para berýge ıtermeledi degen aıyptar taǵyldy. ıAǵnı, polıtsııa polkovnıgi úsh adamnan turatyn aýǵanstandyq otbasy músheleri men taǵy bir sheteldikke Qazaqstan azamattyǵyn alýǵa kómektesýge ýáde etip, ol úshin 40 myń dollar para alýǵa oqtalǵan. Alaıda sońǵysy UQK departamentine aryzdanǵan.

«N.Tólegenuly azamattyqty alyp berý óz quzyryna jatpaıtynyn bile tura alaıaqtyqqa barǵan. N.Tólegenuly Qaraıbragımovpen (deldal - avtr.) áńgime barysynda ony para berýge kóndirgen. Ol QR ІІM Kóshi-qon qyzmeti komıtetindegi laýazymdy tulǵalarǵa shyǵyp, azamattyqty alýǵa qolǵabys ete alatynyn aıtqan. Jáne árbir tulǵa úshin 10 myń AQSh dollaryn belgilegen. Bul barlyǵy 40 myń AQSh dollaryn quraıdy», - dep málim etti memlekettik aıyptaýshy A.Ótegenov

Sol úshin basqarmanyń eks-basshysy Qylmystyq kodekstiń 190-baby ("Alaıaqtyq") jáne 366-baby ("Para alý") boıynsha aıyptalýda.

Eske salaıyq, Nurdáýlet Tólegenuly 3500 dollar (shyn aqsha) jáne 30 myń dollar (mýlıaj) kóleminde para alý kezinde ustalǵan edi.