Shymkentte qoımanyń shatyrynan shyqqan órtten 40 jastaǵy er adam kúıip qaldy

ShYMKENT. QazAqparat - Shymkentte qoımanyń shatyry janyp ketti, dep habarlaıdy QazAqparat Shymkent tótenshe jaǵdaı departamentine silteme jasap.

21 mamyr kúni 15:28 shamasynda qutqarý qyzmetine Turan aýdany Lomonosov kóshesi boıynda jalpy aýdany 2400 sharshy metrdi quraıtyn bir qabatty qoımadan órt shyqqany jaıly habar túsken.

Qoıma shatyrynyń 280 sharshy metr aýmaǵyn jalyn sharpyǵan.

Tilsiz jaý saǵat 16:20-da oqshaýlanyp, 16:32-de sóndirildi.

Órt sóndirý barysynda apattar medıtsınasy ortalyǵy qyzmetkerleri 1983 jyly týǵan er adamǵa alǵashqy medıtsınalyq kómek kórsetti.

Onyń sol qolynyń 6% kúıip qalǵan. Órttiń sebebi anyqtalyp jatyr.

Otty sóndirýge Shymkent qalasy TJD órt sóndirý qyzmetiniń jeke quramynan 50 adam jáne 11 tehnıka, apattar medıtsınasy ortalyǵy fılıalynan 4 maman jumyldyryldy.