12:25, 02 Tamyz 2020 | GMT +5
Shymkentte qoıma shatyry órtendi
ShYMKENT. QazAqparat - Shymkent qalasynda «Vızıt» JShS-nyń aýmaǵynan órt shyqty, dep habarlaıdy QazAqparat tilshisi TJD silteme jasap.
«2 tamyzda saǵat 11:07-de Tólebı kóshesi boıynda ornalasqan «Vızıt» JShS-nyń aýmaǵynda órt shyqqany týraly habarlama tústi. Anyqtalǵandaı, alkogolsiz sýsyndardy saqtaýǵa jáne óndirýge arnalǵan jalpy kólemi 2430 sh.m. quraıtyn qoımanyń shatyry órtengen. Qoımanyń qabyrǵalary sendvıch, shattyry temir tordyń negizinde profnastıl. Saǵat 12.20-da aýmaǵy 300 sh.m. quraıtyn shatyr qulady. Órttiń jalpy kólemi 750 sh.m. Jalyndy sóndirýge 21 tehnıka men 89 qyzmetker jumyldyryldy», -delingen habarlamada.
