Shymkentte qoıma ǵımaraty órtenip ketti
Qalalyq TJD málimetinshe, órt kúndizgi saǵat 14:42-de Saıram kóshesindegi qoımadan shyqqan. Oqıǵa ornyna kelgen alǵashqy órt sóndirý bólimsheleri burynǵy kirpish zaýytynyń aýmaǵynda jeke kompanııanyń bir qabatty qoıma ǵımaraty janǵanyn anyqtaǵan. Aldyn ala derekter boıynsha qoımada LDSP, lamınat jáne turmystyq tehnıka saqtalǵan.
«Oqıǵa ornyna 2 BIS shaqyrý dárejesi boıynsha 120 qyzmetker men órt sóndirý qyzmetiniń 25 tehnıkasy, 1 órt poıyzy men apattar medıtsınasy ortalyǵy fılıalynyń brıgadasy, jedel medıtsınalyq járdem brıgadasy jetken. Sondaı-aq, Polıtsııa departamentiniń 30 qyzmetkeri men 9 tehnıkasy, jergilikti atqarýshy organdardyń 7 qyzmetkeri men 7 tehnıkasy jumyldyryldy.
Órttiń jalpy aýdany 1800 sharshy metrdi quraǵan. Órt saǵat 17.07-de oqshaýlandy. Órttiń sebepteri jáne materıaldyq zııannyń mólsheri anyqtalýda», - delingen habarlamada.
Vıdeodan alyn ǵ an kadr