Shymkentte kovıdtiń yqtımal tolqynyna úsh stsenarıı boıynsha daıyndalýda
Shahar basshysynyń aıtýynsha, búginde qala A stsenarıımen jumys jasap jatyr. Al, V jáne S stsenarııge 100 paıyz tolyq daıyndalǵan.
«A – aǵymdaǵy jaǵdaı 1 290 tósek-oryndy qamtıdy. V – maýsymdyq epıdemıologııalyq jaǵdaı nasharlasa, tósek-oryn sany 4 016-ǵa deıin artady. S – epıdemıologııalyq daǵdarys oryn alsa, 5 416 tósek-oryn ashylady. Qala turǵyndaryna qyzmet kórsetetin 11 PTR zerthanasy jumys jasaýda. Zerthanalarda 1 kúnde 6 200 test jasaýǵa múmkindik bar. Barlyǵy 349 518 PTR test ótkizildi. 19 sáýirde 1 312 PTR test jasalǵan. Azamattardy vaktsınatsııalaý úshin 38 beket uıymdastyrylyp, búginde 1-shi komponent 67 906, 2-shi komponent 6 918 azamatqa salyndy. Vaktsınatsııalaýǵa 753 medıtsına qyzmetkeri oqytylyp, jumyldyryldy», –dedi qala ákimi.
Sondaı-aq, Shymkent qalasynyń «qyzyl» aımaqqa kirýine baılanysty 19 sáýirde jergilikti bas sanıtarııalyq dárigeriniń Densaýlyq saqtaý mınıstrligimen bekitilgen algorıtmge sáıkestendirilgen shekteý sharalar týraly qaýlysy shyqqan. Eki apta osy shekteý sharalarynyń tıimdiligin baqylap, epıdemıologııalyq jaǵdaı nasharlaǵan jaǵdaıda qatań shekteý sharalary engizilmek.