Shymkentte Qoshqar ata ózeninde balyq qyrylýda: Qylmystyq is qozǵaldy
ShYMKENT. QazAqparat - QR Energetıka mınıstrligi Shymkent qalasynyń Qoshqar-ata ózeninde balyqtardyń qyrylý sebebin anyqtady, dep habarlaıdy QazAqparat tilshisi vedomstvonyń baspasóz qyzmetine silteme jasap.
«Telman shaǵyn aýdany Moldabaev kóshesi boıyndaǵy kanalızatsııalyq qaldyqtardy aǵyzý ornynan tómende ornalasqan Qoshqar ata ózeninde shamamen 20 óli balyq tabyldy. Balyqtardyń qyrylý sebebin anyqtaý maqsatynda mamandar Qoshqar-ata ózeniniń 9 jerinen sýdyń synamasyn iriktep aldy. Ózenge Ordabasy alańyndaǵy nóserlik aǵyndar, Ordabasy alańyndaǵy aýdanda «Іńkár» dúkenine jaqyn mańyndaǵy qubyrdan aǵyn, Telman shaǵyn aýdany №1 Temirlan kóshesindegi «ıÝg-Stroı 2030» JShS aýmaǵyna jaqyn jerde aǵynnyń (káriz qudyǵynan sýdyń asyp tógilýi) quıylatyny anyqtalǵan. Nátıjesinde, hımııalyq quramyn anyqtaý úshin ózenniń osy ýchaskelerinde aǵyndy sýlardyń synamalary iriktelip alyndy», - dep habarlady Energetıka mınıstrliginen.
Zertteý nátıjesi boıynsha qaldyqtar aǵyzylatyn orynnan tómende ornalasqan ırrıgatsııalyq júıelerde jáne Qoshqar ata ózeniniń Ordabasy alańyndaǵy «Іńkár» dúkeni janyndaǵy qubyrda, sondaı-aq Telman shaǵyn aýdanynyń №1 Temirlan kóshesindegi «ıÝg-Stroı 2030» JShS aýmaǵyna jaqyn jerdegi qubyrda kontsentratsııanyń shekti normadan (KShN) artýy anyqtalǵan.
«Qalǵan jerlerde KShN-nyń artýy anyqtalmady. Shymkent qalasynyń Aýyl sharýashylyǵy jáne veterınarııa basqarmasynyń qyzmetkerleri balyq etine ıhtıologııalyq saraptama júrgizdi. Onyń nátıjeleri boıynsha ýytty zattar, parazıttik jáne juqpaly aýrýlar anyqtalmady. Qazirgi ýaqytta, ishki ister organdary QR Qylmystyq kodeksiniń 328-babynyń 2-bóligi (Sýlardy lastaý, qoqystaý nemese sarqý) boıynsha qylmystyq is qozǵady», - delingen habarlamada.
Balyqtardyń indet sebepterin jan-jaqty anyqtaý maqsatynda Shymkent qalasy boıynsha Ekologııa departamentiniń bastamasy boıynsha jumys toby quryldy. Qoshqar ata ózenine kanalızatsııalyq aǵyndardy aǵyzý faktisine qatysty Ekologııalyq kodeks talaptarynyń saqtalýy boıynsha «Sý resýrstary - Marketıng» JShS-ǵa tekserýler júrgizý sheshimi qabyldanǵan.
