Shymkentte Kóshi-qon polıtsııasy basqarmasynyń bastyǵy ustaldy

ASTANA. QazAqparat - Shymkentte para aldy degen kúdikpen Kóshi-qon polıtsııasy basqarmasynyń bastyǵy ustaldy, dep habarlaıdy polisia.kz.

Búgin UQKD jáne Shymkent qalasy PD Ózindik qaýipsizdik basqarmasynyń qyzmetkerleri birlesken jedel is-sharalar nátıjesinde eńbek demalysynda júrgen kóshi-qon polıtsııasy basqarmasynyń bastyǵy ustaldy. Ol 1000 dollar kóleminde aqshalaı syıaqy aldy degen kúdikke ilindi.
Qazir qajetti tergeý amaldary júrgizilýde. Barlyq mán-jaı sotqa deıingi tergeý barysynda anyqtalatyn bolady.