Shymkentte kóshelerdi táýlik boıy jańbyr sýynan tazartyp jatyr
Kesheli beri toqtaýsyz jaýyp jatqan jańbyr saldarynan Shymkentte kósheler men aýlalardy sý basyp jatyr.
Qala turǵyndarynan eki kún ishinde 15-ke jýyq habarlama túsken.
Onyń bári aýlasyna kirip ketken jańbyr sýyn tazartý kerektigin aıtqan.
Qatty jeldiń saldarynan Qazybek bı kóshesi boıyndaǵy turǵyn úıdiń aldyndaǵy úlken aǵash eki avtokóliktiń ústine qulaǵan.
Jedel qutqarý jasaǵynyń qutqarýshylary oqıǵa ornyna baryp, qulaǵan aǵashty arnaıy aranyń kómegimen kesip, túsirdi.
Qazirgi tańda Respýblıka dańǵyly boıyndaǵy«Kolos» tonnelinde, Arǵynbekov pen Ótegenov kósheleriniń qıylysynda, Jeltoqsan kóshesinde jáne 4-shi, Kóksaı-3, Nurtas, Turan shaǵynaýdandarynda aýlaǵa kirgen sýdy sorý, Nazarbaev dańǵylyndaǵy aınalma joldyń qasyndaǵy saıda jınalǵan jaýyn sýyna jasalǵan bógetti qosymsha biteý jumysy júrip jatyr.
«Jańbyrdyń saldaryn joıýǵa TJD-niń 61 qyzmetkeri men 17 birlik tehnıkasy jáne 9 dana motopompasy jumyldyrylyp, shamamen 336 tekshe metr sý shyǵaryldy. Turan shaǵyn aýdanyndaǵy Jańaqurylys kóshesiniń boıyndaǵy turǵyn úıdi sý alyp ketý qaýpin aldyn alý maqsatynda qumdalǵan 300 dana qap tóseldi. Qazirgi tanda jeke turǵyn úılerge sý basý qaýipi joq», - delingen Shymkent qalasy TJD qoǵammen baılanys toby taratqan aqparatta.
Aıta keteıik, tolassyz jaýǵan jańbyrdan keshe Shymkent kóshelerin sý basqan bolatyn.