Shymkentte kóshelerdi qardan tazartý jumystary tolassyz júrgizilýde

ShYMKENT. QazAqparat – Shymkentte úsh kúnnen beri qar jaýyp, qatty jel turǵan bolatyn. Qazirgi tańda kóshelerdi qardan tazartý jumystary keste boıynsha júrgizilýde, dep habarlaıdy QazAqparat tilshisi.

Qalanyń kommýnaldyq qyzmetiniń jumysshylary kúndiz-túni tazalyq jumystaryn atqaryp, qalanyń «LTD Turmys» pen «ıÝgdorservıs», «Bəıterek LB» jəne «Nurtas servıs» mekemeleriniń 151 tehnıkasy bul jumystarǵa jumyldyrylǵan.

Aıta keteıik, 20-21 jeltoqsanda qala aýmaǵynda kúshti jel turyp, elektr júıeleri zaqymdalǵan edi. Saldarynan birqatar móltekaýdandarda jaryq sóndirilgen. Sonymen qatar, Baıtursynov kóshesinde, Soltústik, Nursat móltekaýdandarynda birneshe úıdiń jalpy kólemi 240 sh.m. shatyrlary ushqan. Oqıǵa oryn alǵan jerlerde qalalyq ákimdik pen tótenshe jaǵdalar departamentiniń qyzmetkerleri birlesip jumys atqardy. Artynsha barlyq shaǵynaýdandardaǵy elektr jelileri iske qosyldy. Shatyry ushqan turǵyn úılerge der kezinde kómekter berilip, jaǵdaı retke keltirildi. Qaladan shyǵa beristegi respýblıkalyq mańyzy bar joldardyń da jabylatyny turaqty túrde habarlanyp, saqtyq sharalary kúsheıtilýde