Shymkentte kósheden 19 jastaǵy jigittiń máıiti tabyldy

ShYMKENT. QazAqparat – Shymkenttegi Qazıev jáne Shynar kósheleriniń qıylysynan 19 jastaǵy jigittiń máıiti tabyldy, dep habarlaıdy QazAqparat tilshisi.

Bul týraly Abaı aýdandyq polıtsııa basqarmasynyń 102 telefonyna habar túsken.

«Atalǵan jaıt sotqa deıingi tergep-tekserýlerdiń biryńǵaı tiziliminde QR QK-niń 99-babymen tirkeldi. Máıitke sot-medıtsınalyq saraptama taıǵaıyndaldy. Júrgizilgen jedel is-sharalardyń nátıjesinde, 2005 jyly týǵan azamat kúdikti retinde ustalyp, ýaqytsha ustaý ızolıatoryna qamaldy. Qazirgi tańda tergeý jumystary jalǵasýda», - delingen Shymkent qalasy polıtsııa departamentiniń baspasóz qyzmeti taratqan habarlamada.

Aıta keteıik, búgin tańerteń Shymkentte jipke asylyp qalǵan jigittiń máıiti tabylǵandyǵyn jazǵan bolatynbyz.