Shymkentte kóshedegi kógal sýǵaratyn sýǵa shomylǵan adam jaýapqa tartyldy

ShYMKENT. QazAqparat - Shymkentte kóshedegi kógal sýyna shomylǵan er adam jaýapqa tartyldy, dep habarlaıdy QazAqparat tilshisi.

Áleýmettik jelide Shymkent kóshelerinde jalańash otyryp, sýǵa túsken er adam jaıynda vıdeo tarady.

Onda egde jastaǵy azamattyń sheshinip alyp, jol boıyndaǵy shóp sýǵarýǵa arnalǵan qurylǵydan aqqan sýǵa shomylyp jatqanyn kórýge bolady.

Oqıǵa qala ortalyǵyndaǵy Tóle bı kóshesiniń boıynda bolǵan. Tártip saqshylary quqyq buzýshynyń jeke basyn anyqtady.

Ol turaqty baspanasy joq 50 jastaǵy azamat bolyp shyqty.

«Er adamǵa qatysty QR ÁQBtK 434-baby 1-bóligi (usaq buzaqylyq) boıynsha hattama toltyryldy. Polıtsııa qyzmetkerleri jınaqtalǵan is qujattaryn ákimshilik isster jónindegi aýdanaralyq sotqa jiberedi» - delingen Shymkent qalasy polıtsııa departamentiniń baspasóz qyzmeti taratqan aqparatta.