Shymkentte kóshede turǵan polıtseıdi kólik súırep áketti

ShYMKENT. QazAqparat – Shymkentte kólik júrgizýshisi kóshede qujat teksermek bolǵan polıtseıge baǵynǵysy kelmegen. Tártip saqshylarynyń biri onyń jolyna tosqaýyl qoımaq bolǵanda, kólik tizgindeýshi ony súırep áketken, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, keleńsiz jaǵdaı qalanyń ortalyq kósheleriniń birinde oryn alǵan. «Mitsubishi Galant» markaly avtokóliginiń júrgizýshisi T.Rysqulov pen M.Dýlatı kósheleriniń qıylysynda «Audi-80» markaly avtokóligimen soqtyǵysqan. Oqıǵa ornyna kelgen tártip saqshylary jol kólik oqıǵasyn jasaǵan júrgizýshiniń mas ári esirtki qoldanǵan degen boljam jasap, qujattaryn suraǵan. Alaıda ol tártipke baǵynǵysy kelmeı, qashpaq bolady.

Quqyqbuzýshy polıtsııa qyzmetkerin soǵyp, ony shamamen 3 shaqyrym jerge deıin kapotynda súıregen. Degenmen de patrýldik polıtsııa polkiniń qyzmetkerleri quqyqbuzýshynyń boı tasalaýyna jol bermeı, ony qolǵa túsirgen. Artynsha medıtsınalyq kýálandyrýǵa jetkizip, ýaqytsha ustaý ızolıatoryna qamaǵan. Al, kóligi aıypturaqqa qoıyldy. Tártip saqshysy eshqandaı jaraqat almaǵan.

«31 jastaǵy quqyqbuzýshyǵa qatysty Qylmystyq kodekstiń 380-baby 2-bóligi «Bılik ókiline qatysty kúsh qoldaný» boıynsha sotqa deıingi tergep-tekserý amaldary bastaldy. Sondaı-aq, ÁQBtK-niń 610-baby 1-bóligi «Kólik quraldaryn, júkterdi, joldardy, joldaǵy jáne basqa da qurylysjaılardyń nemese ózge de múliktiń búlinýine alyp kelgen, materıaldyq zalal keltirgen kólik quraldary júrgizýshileriniń jol júrisi qaǵıdalaryn buzýy» boıynsha ákimshilik hattama toltyryldy. Eger júrgizýshiniń esirtki zatyn paıdalanǵany saraptamanyń qorytyndysynda rastalsa, oǵan qatysty ÁQBtK-niń 608-baby boıynsha ákimshilik hattama toltyrylady» delingen habarlamada.