Shymkentte kóshe sypyrýshyny avtobýs qaǵyp ketti

TÚRKІSTAN. QazAqparat - Shymkentte kóshe sypyrýshyny avtobýs qaǵyp, mert qyldy. Bul týraly qalalyq Polıtsııa departamentiniń baspasóz qyzmeti habarlady.

Polıtsııa departamentiniń málimetinshe, jol-kólik oqıǵasy búgin tańǵy saǵat 8:00-der shamasynda Temirlan tasjolynyń boıynda bolǵan. «Jac» avtobýsynyń júrgizýshisi kóshe sypyrýshyny qaǵyp ketken. Ol alǵan jaraqatynan oqıǵa ornynda qaıtys boldy. Atalǵan jáıt boıynsha Qylmystyq kodekstiń 345 baby, 3 bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý, abaısyzda adam ólimine ákep soqqan is-áreket» boıynsha sotqa deıingi tergeý amaldary júrgizilýde.

«Avtobýs aıyp turaǵyna jetkizildi. Sot-medıtsınalyq saraptamalar taǵaıyndalyp, onyń qorytyndysy boıynsha protsessýaldyq sheshim qabyldanady»,- delingen baspasóz qyzmetiniń habarlamasynda.

Illıýstratsııalyq foto