Shymkentte kóshe qıylysynda turǵan kólik tolyǵymen janyp ketti

ShYMKENT. QazAqparat - Shymkentte kóshe qıylysynda turǵan kólik tolyǵymen janyp ketti, dep habarlaıdy QazAqparat tilshisi.

Oqıǵa Abaı dańǵyly jáne Gagarın kósheleriniń qıylysynda boldy. Jol ústinde «Hyndai Sonata» markaly kólik tolyǵymen órtke orandy. Zardap shekkender men qaıtys bolǵandar joq. Tek, órt saldarynan kólik ishindegi qujattar túgelimen janyp ketti.

«Órttiń shyǵý sebebi anyqtalýda. Oqıǵa ornyna Shymkent qalasy TJD Órt sóndirý jáne avarııalyq-qutqarý jumystary qyzmetiniń 10 qyzmetkeri men 2 tehnıkasy jumyldyryldy. Órt 8 mınýtta tolyǵymen sóndirildi» - delingen Shymkent qalasy TJD qoǵammen baılanys toby taratqan aqparatta.

Osyǵan deıin kópqabatty úılerde órt sóndirýshi kóliktiń qozǵalysyn qıyndatatyn kedergiler kóp ekeni habarlandy.