Shymkentte kóshe kameralaryn qıratqan kúdiktiler anyqtaldy

NUR-SULTAN. QazAqparat – QR Bas prokýratýrasynyń 1 qyzmet bastyǵynyń orynbasary Eldos Qılymjanov Shymkentte kóshe kameralaryn qıratqan kúdiktiler týraly málimet berdi, dep habarlaıdy QazAqparat tilshisi.

«Qylmystyq isti tergeý barysynda Shymkent qalasynyń prokýratýrasy 2 qylmyskerdi anyqtady. Olar 6 qańtarda «Gazel» avtokóligimen qala ishinde júrip, Shymkent qalasy polıtsııa departamentiniń jedel basqarý ortalyǵynyń beınebaqylaý kameralaryn joıdy. Kameralardyń zaqymdanýy polıtsııanyń qoǵamdyq tártipti saqtaý jónindegi jumysyn qıyndatty, memlekettik obektilerge shabýyl jasaǵan qylmyskerlerge nazardan tys qalýǵa múmkindik berdi», - dedi Eldos Qılymjanov.

Onyń málimeti boıynsha, qazir beınejazbalar qalpyna keltirilip, bul qylmysqa qatysy bar adamdar túgel anyqtalyp jatyr.

«Kameralar qalpyna kelgenge deıin «Gazel» júrgizýshisi óziniń jappaı tártipsizdikke qatysqanyn joqqa shyǵardy, alaıda beınejazbalardan onyń kóliktiń tóbesine minip, joǵaryda ornatylǵan kameralardy isten shyǵarǵan», - dedi QR Bas prokýratýrasynyń 1 qyzmet bastyǵynyń orynbasary.

Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.