Shymkentte qos ókpesi qabynǵan júkti áıel jazylyp keledi
Qalalyq densaýlyq saqtaý basqarmasynyń málimetinshe, dárigerler júkti kelinshekti birden jansaqtaý bólimine jatqyzǵan. Onyń qanyndaǵy ottegi mólsheri tym az bolǵandyqtan, 15 kún boıy ókpeni jeldetý apparatyna qosylǵan. Osy ýaqyt ishinde jansaqtaý bólimindegi mamandar sharanasy bar áıeldiń saýlyǵy úshin kúresip, oń nátıjege qol jetkizgen. Júkti áıeldiń densaýlyǵy on altynshy kúni jaqsaryp, palataǵa aýystyrylǵan. Sońǵy bir aıdan asa ýaqyttan beri Asar shaǵynaýdanyndaǵy juqpaly aýrýlar aýrýhanasyndaǵy dárigerlerdiń baqylaýynda.
Mamandar áıeldiń jáne ishtegi sábıiniń jaǵdaıy jaqsy ekenin aıtýda.
«Naýqas 6 shilde kúni aýrýhanaǵa túsken. Qazir 29 aptalyq júktilik merziminde. Qursaǵyndaǵy balanyń jaǵdaıy da jaqsy. Búkil hattama boıynsha em alýda. Endi antıbıotıkterin azaıtyp, otegisiz dem alýdy úıretip jatyrmyz» - deıdi dáriger-gınekolog Nurjamal Kóshenova.
Búginde aıaǵy aýyr kelinshek ózdiginen tynys alyp, densaýlyǵy jaqsarǵan. Ol qaýipti dertten ózin aman alyp qalǵan dárigerlerge rızashylyǵyn bildirýde.
«Qazir jaǵdaıym jaqsy, maǵan der kezinde kómek kórsetken dárigerlerge alǵys aıtamyn. Árdaıym kúlimdep, janymdy jyly sózben emdegen medıtsına mamandaryna rızashylyǵymdy bildiremin», - deıdi Gýljaýhar Kúnzýbaeva.