Shymkentte koronavırýstan qaıtys bolǵan naýqastyń jetisaılyq zeınetker ekeni anyqtaldy

Bul týraly kezekti brıfıngide qalalyq densaýlyq saqtaý basqarmasy basshysynyń orynbasary Aıgúl Bekbaýova málimdedi, dep habarlaıdy QazAqparat tilshisi.

Aıgúl Bekbaýovanyń aıtýynsha, 1954 jyly týǵan zeınetkerdiń jaǵdaıy aýyrlaǵan soń sanıtarlyq avıatsııamen Shymkentke jetkizilgen.

«Jetisaı qalasynyń turǵyny aýdandyq aýýhanada koronavırýs ınfektsııasyn juqtyrǵan adammen jaqyn baılanysta bolǵan. 1-shi sáýir kúni bul er azamattyń qaýipti indetke shaldyqqany anyqtaldy. 4-shi sáýir kúni jaǵdaıynyń nasharlaýyna baılanysty ol Shymkent qalalyq juqpaly aýrýlar aýrýhanasyna jatqyzylǵan. Onda túsken kezdegi jaǵdaıy aýyr bolǵandyqtan jasandy tynys alý apparatyna qosylǵan. Zeınetkerdiń sondaı-aq, ózge de vırýstyq geppatıt, qant dıabeti, baýyr tserrozy, sozylmaly pankreotıt sekildi qosalqy aýrýlary bolǵan. Naýqasqa barlyq emdeý sharalary júrgizilip, respýblıkalyq mamandarmen birneshe ret keńester ótkizildi. Júrgizilgen reanımatsııalyq sharalarǵa qaramastan ol búgin saǵat 15:00-de qaıtys boldy»,- dedi Aıgúl Bekbaýova.