Shymkentte koronavırýstan qaıtys bolǵan adamǵa qatysty tyń derekter aıtyldy
«Shymkent qalasynda koronavırýs indetinen búgin bir adam kóz jumdy. Naýqas 1964 jyly dúnıege kelgen. Túrkistan oblysy Maqtaaral aýdanynyń turǵyny. Ol 3 sáýir kúni Shymkent qalasy juqpaly aýrýlar aýrýhanasyna jatqyzylǵan», - dedi Aıgúl Bekbaýova «Habar 24» telearnasynyń tikeleı efırinen.
Anyqtalǵandaı, naýqas júk kóliginiń júrgizýshisi boldy. Osy oraıda «Máskeý – Almaty» baǵdary boıynsha Shymkent qalasyna tranzıtpen toqtaǵan. Dene qyzýyna shaǵymdanýyna baılanysty jedel járdem kómegimen naýqas ınfektsııalyq aýrýhanaǵa statsıonarǵa jatqyzyldy. Syrqatyna baılanysty reanımatsııalyq bólimdegi apparatqa qosylǵan.
«Naýqastyń qant dıabeti, qysymnyń kóterilýi sekildi qosalqy aýrýlary bolǵan. Sonymen qatar ol bir jyl buryn týberkýlez aýrýyna shaldyqqan. Búgin túnde naýqas reanımatsııalyq bólimde qaıtys bolǵan. Naýqaspen qarym-qatynasta bolǵan uly Almaty qalasynda oqshaýlanyp, statsıonarǵa jatqyzyldy», - dedi Aıgúl Bekbaýova.
Budan buryn habarlanǵandaı, Shymkentte koronavırýstan 1964 jyly týǵan 1 adam qaıtys boldy.