Shymkentte koronavırýstan 3,3 myń naýqas emdelip shyqty

ShYMKENT. QazAqparat – Shymkent qalasynda koronavırýstan 3 357 naýqas emdelip shyqqan. Bul týraly búgin aqparattyq-kommýnıkatsııalyq ortalyǵynda ótken baspasóz máslıhatynda qalalyq densaýlyq saqtaý basqarmasy basshysynyń mindetin atqarýshy Tımırhan Varzılov málimdedi, dep habarlaıdy QazAqparat tilshisi.

Tımırhan Varzılovtyń aıtýynsha, keshe qalada 43 naýqas qaýipti dertten aıyqqan.

«5 tamyzdaǵy epıdahýal boıynsha - 5025 COVID-19 jaǵdaıy tirkeldi. Onyń ishinde 2 572 sımptomdyq, 2 453 sımptomsyz. Ótken táýlikte qaýipti vırýsty 14 adam juqtyrǵan. Qazirgi tańda indetten emdelip shyqqan naýqastardyń sany – 3 357 bolyp otyr. 1 629 naýqas emdelýde, onyń ishinde 94-i statsıonarda em qabyldaýda» - dedi T. Varzılov.

Spıker sonymen qatar yl basynan beri 5 tamyzǵa deıin pnevmonııanyń 14 312 jaǵdaıy tirkelip, 10 962 naýqas emdelip shyqqanyn aıtady.

«Provızorlyq jáne ınfektsııalyq statsıonarlar boıynsha aıtar bolsaq, búginde qalada 2 810 tósek-oryn bar (ınfektsııalyq tósek - 650, provızorlyq tósek – 2 160). Onyń ishinde bos tósek-oryn sany 2 087. 211 mobıldi top uıymdastyrylyp, olar 17 820 naýqastyń úıine baryp medıtsınalyq qyzmet kórsetken.

Ár emhanaǵa qosymsha bir toptan jedel járdem kóligi jetkizilgen. 53 182 adam dári-dármekpen qamtamasyz etilip, tegin beriletin dárilik zattardy medıtsına qyzmetkerleri úılerine jetkizip bergen. Qazirgi ýaqytta dárigerler 1430 platformasy arqyly onlaın keńes berip, onda 720 dáriger tirkelgen»,- dedi Tımırhan Varzılov.