Shymkentte koronavırýsqa shaldyqqan kelinshek deni saý sábı bosandy

ShYMKENT. QazAqparat – Shymkentte koronavırýs juqtyrǵan áıel deni saý sábıdi dúnıege ákeldi. Qalalyq perzenthananyń bilikti mamandarynan quralǵan top júkti áıeldi juqpaly aýrýlar aýrýhanasynyń bazasynda kesir tiligi arqyly bosandyryp alǵan, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, 24 jastaǵy áıel salmaǵy 3500 gram qyz bosanǵan. Anadan balaǵa ınfektsııa berilmes úshin dárigerler saqtyq sharalaryn kúsheıtken.

Bosanǵannan keıin jańa týǵan náresteden barlyq qajetti synama alynyp, COVID-19 testi teris nátıje kórsetken. Deni saý sábı birden qalalyq perzenthanadaǵy arnaıy daıyndalǵan jeke palataǵa aýystyrylǵan.

Jańa týǵan sábıdi perzenthana qyzmetkerleri táýlik boıy baqylaýǵa alyp, barynsha kútim jasap jatyr.

Al, koranavırýs ınfektsııasyna shaldyqqan anasy juqpaly aýrýlar aýrýhanasynda emin jalǵastyrýda.