Shymkentte koronavırýs juqtyrǵan júkti áıelder úshin ınfektsııalyq statsıonar ashyldy

ShYMKENT. QazAqparat - Shymkent qalalyq №2 aýrýhananyń bazasynda koronavırýs juqtyrǵan júkti áıelderdi emdeý úshin ınfektsııalyq statsıonar ashyldy, dep habarlaıdy QazAqparat tilshisi.

100 orynǵa arnalǵan statsıonarda koronavırýs juqtyrǵan júkti áıelder men jańadan bosanǵan analar em qabyldaıdy. Ortasha jáne aýyr haldegi naýqastardy emdeý úshin ortalyq qajetti medıtsınalyq jabdyqtarmen tolyq qamtylǵan.

Atalǵan aýrýhananyń bas dárigeri A.Rahmatalıev qazirgi tańda statsıonarda em qabyldap jatqan 22 naýqastyń 13-i jańadan bosanǵandar bolsa, qalǵany júkti áıelder ekenin aıtty. Sonymen qatar №2 aýrýhanada koronavırýs ınfektsııasyna qarsy vaktsınatsııa pýnkti jumys jasap tur.

Densaýlyq saqtaý basqarmasynyń málimeti boıynsha, búgingi kúnge deıin qalada vaktsınanyń 1-shi komponentin 593 553 adam, 2-shi komponentin 579 278 adam qabyldaǵan. 2021 jylǵy 15 qarashadan bastap 12 men 18 jas aralyǵyndaǵy balalarǵa, júkti áıelderge jáne bala emizetin áıelderge «Pfizer-BioNTech» vaktsınasyn egý bastaldy. Búginge deıin bul vaktsınanyń 1-komponenti 22 229 adamǵa egildi.

«Shymkent qalasynda epıdemıologııalyq jaǵdaı kúrdeli. Sońǵy táýliktiń ózinde 343 azamattan koronavırýs anyqtaldy. Qazir jansaqtaý bóliminde 26 naýqas jatyr. Olardyń teń jartysy ókpeni jasandy jeldetý apparatyna qosylǵan. Ókinishke qaraı, olardyń deni vaktsına saldyrmaǵan. Sozylmaly aýrýy bar naýqastarǵa aıtarymyz: vaktsına saldyryńyzdar. Óıtkeni qosymsha aýrýy bar naýqastarda koronavırýs aýyr ótedi»,- deıdi Shymkent qalalyq Densaýlyq saqtaý basqarmasynyń basshysy Baqytjan Pozılov.