Shymkentte koronavırýs juqtyrǵan bir otbasynyń 9 múshesi jazylyp shyqty

ShYMKENT. QazAqparat – Shymkentte koronavırýske shaldyqqan bir otbasynan 9 múshesi jazylyp, úıine shyǵaryldy. Bul týraly qalalyq densaýlyq saqtaý basqarmasy basshysynyń orynbasary Aıgýl Bekbaýova málim etti, dep habarlaıdy QazAqparat tilshisi.

Aıgýl Bekbaýovanyń aıtýynsha, qaýipti indetten saýyqqan otbasy músheleriniń arasynda eki bala bolǵan. Aýrýhanadan shyǵarylǵan patsıentterdiń zerthanalyq zertteýleri teris nátıje kórsetip, dárigerleri densaýlyqtary jaqsy degen qortyndyǵa keldi. ıAǵnı, naýqastar medıtsınalyq qyzmetkerlerdiń ýaqtyly kómek kórsetýiniń arqasynda jazylyp shyqqan. Osyǵan baılanysty qaladaǵy Taımanov, Tórequlov pen Maqtaly kósheleri karantınnen shyǵaryldy.