Shymkentte koronavırýs juqtyrǵan 9 adamnyń barlyǵy qala turǵyndary
ShYMKENT. QazAqparat – Shymkentte koronavırýs juqtyrǵan 9 adamnyń barlyǵy qala turǵyndary. Bul týraly QazAqparat Tótenshe jaǵdaıdy qamtamasyz etý jónindegi Memlekettik komıssııanyń jedel shtabyna silteme jasap habarlaıdy.
Jedel shtab taratqan málimetterge qaraǵanda, aýrý juqtyrǵandar Shymkent qalasynyń turǵyndary. Olar koronavırýs ınfektsııasyn juqtyrǵan adamdarmen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan.
«PTR dıagnostıkalyq zertteý qorytyndysymen COVID-19 dıagnozy naqtylandy.
Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde.
Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda.
Aýrý oshaqtarynda epıdzertteý, dezınfektsııalyq jumystar júrgizilip jatyr»,-delingen habarlamada.
Aıta keteıik, búgingi tańda Shymkentte qaýipti vırýsty juqtyrǵandar sany 80 adam, 12 adam aýrýdan qulan-taza aıyǵyp ketti.
