Shymkentte koronavırýs juqtyrǵan 5 adam bir otbasy músheleri bolyp shyqty

ShYMKENT. QazAqparat – Shymkentte sońǵy táýlikte koronavırýs juqtyrǵan taǵy 5 adam bir otbasy músheleri bolyp shyqty. Bul týraly qalalyq tótenshe jaǵdaı shtaby málimet taratty, dep habarlaıdy QazAqparat tilshisi.

«Qalada 5 sáýir kúni anyqtalǵan 5 adam — bir otbasynyń múshesi. Olar: ákesi, anasy, aǵasy, áıeli, balasy bolyp tabylady. Sol azamattardan alynǵan synama ınfektsııaǵa oń nátıje kórsetti. Bul naýqastar buǵan deıin Nur-Sultan qalasynan kelgen 24 jasar naýqaspen baılanysta bolǵany anyqtalyp otyr. Qazirgi tańda barlyq indet juqtyrǵandar oqshaýlanyp, qalalyq juqpaly aýrýlar aýrýhanasyna aýystyryldy» delingen habarlamada.

Aıta keteıik, úshinshi megapolıste búginge deıin 19 adamnyń qaýipti indetke shaldyqqany anyqtalyp otyr.