Shymkentte koronavırýs týraly aqparat taratatyn arnaıy saıt ashyldy

ShYMKENT. QazAqparat – Shymkentte koronavırýs týraly naqty aqparat taratatyn arnaıy saıt ashyldy. Munda qala turǵyndary KVI boıynsha jedel statıstıkamen tanysyp, tıisti aqparattar ala alady, dep habarlaıdy QazAqparat tilshisi.

Qalalyq densaýlyq saqtaý basqarmasy basshysynyń mindetin atqarýshy Tımýr Varzılovtyń aıtýynsha, atalǵan saıtta COVID-19, pnevmonııa jáne JRVI-men aýyratyn naýqastar sany men táýlik ishinde aýrýhanaǵa túsken, jazylyp ketken shyqqan naýqastar jaıly aqparat jarııalanady.

«Turǵyndar COVID-19 byryńǵaı aqparattyq portalyna kirip aýrýhanalarda jáne provızorlyq ortalyqtardaǵy jansaqtaý bólimindegi tósek-oryndardyń naýqaspen qamtylý deńgeıin kóre alady. Resýrsta aqparattar kún saıyn jańartylyp otyrady. Sonymen qatar onda dárigerler qatysatyn beıne-brıfıngiler ótkizilip, aýrýdyń aldyn alý, onyń belgileri jáne saqtaný erejeleri týraly maǵlumat beriledi. Sondaı-aq saıtqa kire otyryp, medıtsınalyq mekemeler men provızorlyq ortalyqtardyń meken-jaılary men telefondary týraly aqparatty tabýǵa bolady»,- dedi Tımýr Varzılov.