Shymkentte koronavırýs anyqtalǵan eki adam da naýqastarmen baılanysta bolǵan
NUR-SULTAN. QazAqparat - Shymkent qalasynda koronavırýs ınfektsııasyn juqtyrǵan 2 adam da naýqastarmen baılanysta bolǵan, dep habarlaıdy Memlekettik komıssııanyń shuǵyl shtaby.
Vırýsty juqtyrǵan 1979 jylǵy áıel adam men 1977 jylǵy er azamat ózderine deıin vırýsty juqtyrǵan adamdarmen qarym-qatynasta bolǵan, sol úshin karantındik statsıonarǵa jatqyzylyp, zerthanalyq synama alynǵan.
PTR dıagnostıkalyq zertteý qorytyndysy olarǵa COVID-19 dıagnozyn qoıdy.Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde.
Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda.
Aýrý oshaqtarynda dezınfektsııalyq jumystar júrgizilýde.
21 sáýirdegi jaǵdaı boıynsha qalada COVID-19 koronavırýs ınfektsııasyn juqtyrǵan 92 adam anyqtaldy.
