Shymkentte koronavırýs anyqtalǵan bes adam da naýqastarmen qarym-qatynasta bolǵan

NUR-SULTAN. QazAqparat - Memlekettik komıssııanyń shuǵyl shtaby Shymkent qalasynda koronavırýs ınfektsııasyn juqtyrǵan 5 adam týraly málimet jarııalady, dep habarlaıdy QazAqparat.

Vırýs juqtyrǵan 1996, 1993, 1967 jyly týǵan er jáne 1991,1966 jyly týǵan áıel adamdar ózderine deıin vırýsty juqtyrǵan adamdarmen qarym-qatynasta bolǵan, karantındik statsıonarǵa jatqyzylyp, zerthanalyq synama alynǵan.

PTR dıagnostıkalyq zertteý qorytyndysy COVID-19 dıagnozyn naqtylady.

Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde.

Olarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda.

Aýrý oshaqtarynda dezınfektsııalyq jumystar júrgizilýde.

25 sáýirdegi jaǵdaı boıynsha qalada COVID-19 koronavırýs ınfektsııasyn juqtyrǵan 146 adam anyqtaldy.