Shymkentte kórkem gımnastıkadan halyqaralyq týrnır bastaldy
ShYMKENT. QazAqparat - Shymkent qalasynda kórkem gımnastıkadan QR eńbegi sińgen sport sheberi Álııa ıÝsýpovanyń júldesine arnalǵan VII halyqaralyq týrnırdiń ashylý saltanaty ótti, dep habarlaıdy Ońtústik Qazaqstan oblysy ákimdiginiń baspasóz qyzmeti.
Búgingi jarysqa Izraıl, Qyrǵyzstan, Reseı, Belarýs, Ózbekstan, Japonııa, Vetnam jáne Qazaqstan quramasynyń 100-ge jýyq sportshylary eki jas ereksheligi boıynsha kópsaıys túrinen saıysqa túsedi.
Sporttyq sharanyń ashylý saltanatyna qatysqan Ońtústik Qazaqstan oblysynyń ákimi Janseıit Túımebaev barsha týrnırge qatysýshy sportshylarǵa qosh keldińizder deı otyryp, jas sportshylarǵa sáttilik tiledi.
«Elimizdiń maqtanyshy Álııa ıÝsýpova kórkem gımnastıkadan Azııa oıyndarynyń eki dúrkin absolıýtti jeńimpazy. Afıny jáne Beıjiń qalalarynda ótken jazǵy Olımpıada oıyndarynda el namysyn abyroımen qorǵaǵan. Búginde kórkem gımnastıkadan QR bas jattyqtyrýshysy qyzmetin abyroımen atqaryp kele jatqan sport salasynyń biregeı bilikti mamany»,-dedi ákim.
Álııa Maqsutqyzy basqaratyn kórkem gımnastıka mektebiniń ashylǵanyna nebári 7 jyl ǵana bolǵanyna qaramastan sportshylary birneshe bıiktikterdi baǵyndyryp úlgerdi. Byltyrǵy jyly Brazılııada ótken 31-shi jazǵy Olımpıada oıyndarynda Álııanyń tól shákirti Sábına Áshirbaeva nebári 16 jasynda óner kórsetip, joǵary kórsetkishterge ıe boldy.
Aıta keteıik, búgingi tańda, oblystyq kórkem gımnastıka sport mektebinde 39 jattyqtyrýshy 289 balaǵa oqý-jattyǵý jumystaryn júrgizýde.
