Shymkentte kópqabatty úılerdiń aýlalarynda oıyn alańdary salynýda
ShYMKENT. Shildeniń 26-sy. QazAqparat /Tatıana Pylaeva/ - Aǵymdaǵy jyly Shymkentte 15 kópqabatty úıdiń aýlasynda balalardyń oıyn alańdary salynady.
Bul maqsatqa qala bıýdjetinen 12 mıllıon teńge bólinip otyr.
Atap aıtqanda, «Qarasý» yqshamaýdanynda ákimdiktiń osy tapsyrysy boıynsha konkýrsty jeńip alǵan «Turan LTD» JShS jumys júrgizýde. Aýlalarda átkenshekter, syrǵanaqtar, qumsalǵyshtar ornatylýda, sporttyq oıyndarǵa arnalǵan alańdar jabdyqtalýda.
Bul baǵyttaǵy jumystar Shymkentte osydan eki jyl buryn bastalǵan bolatyn. «Qalada barlyǵy 537 aýla bar, biraq olardyń tek besten biri ǵana oıyn alańdarymen jabdyqtalǵan. Jumys jalǵasýda, barlyq aýlada oıyn alańdary bolýy kerek», -deıdi Shymkent ákimdiginiń abattandyrý sektorynyń meńgerýshisi Erýbaı Quralbaev. Ol sondaı-aq, birinshi kezekte ábden tozyp bitken aýlalardyń abattandyrylyp jatqanyn málim etti. Qalalyq máslıhat depýtattary qaıta jańartý jumystary júrgiziletin aýlalardyń tizimin jasap jatyr.
