Shymkentte kópqabatty úıden órt shyqty

TÚRKІSTAN. QazAqparat – Shymkentte kópqabatty úıden órt shyǵyp, 9 adam qaýipsiz jerge kóshirildi. Jalyn besinshi qabattaǵy páterdiń balkonyna ótip ketken, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, Respýblıka dańǵyly boıynda ornalasqan bes qabatty turǵyn úıdegi órt týraly habarlama keshe saǵat 21:48-de túsken. Oqıǵa ornyna jetken órt sóndirý bólimderi tórtinshi qabattaǵy páterdiń ishinde úı zattary men balkony órtke oranǵanyn anyqtady. Tilsiz jaýdy aýyzdyqtaýǵa 23 adam jáne 6 tehnıka, apattar medıtsınasy ortalyǵy fılıalynyń 1 brıgadasy jumyldyrylǵan. Olar turǵyndardy qaýipsiz jerge shyǵaryp, jalyndy tolyqtaı sóndirgen.

«Jalpy, órttiń kólemi 21 sharshy metrdi qurady. Órt sóndirýshiler órtti 22:04-te oqshaýlap, saǵat 22:12-de tolyǵymen sóndirdi. Zardap shekkender men qaıtys bolǵandar joq. Órttiń shyǵý sebebi anyqtalýda» delingen habarlamada.