Shymkentte kópqabatty úıden órt shyǵyp, 5 jasar bala kóz jumdy
ShYMKENT. QazAqparat - Shymkentte kópqabatty úıden órt shyǵyp, 5 jasar bala kóz jumdy. Páterdegi kók tútinge tunshyqqan balany dárigerler aman alyp qala almady, dep habarlaıdy QazAqparat tilshisi.
Tilsiz jaý kópqabatty úıdiń úshinshi qabatynda paıda bolǵan. Aldyn ala boljam boıynsha, páterdegi gaz qazandyǵy jarylyp, órt úıdi sharpyǵan. Osy kezde úıde bes jasar bala bolypty. Qara tútindi kórgen kórshileri dereý órt sóndirýshilerdi shaqyrtqan. Oqıǵa ornyna jedel járdem qyzmeti men tárip saqshylary da jetken. Qyzyl jalyndy aýyzdyqtaýǵa 5 sóndirý tehnıkasy men 10-nan astam qyzmetker jumyldyryldy.
Polıtseıler men tótenshe jaǵdaılar qyzmetkerleri podezdegi ózge turǵyndardy da syrtqa shyǵardy. Al, tútinge tunshyqqan balaǵa dárigerler kómek kórsetkenimen, kesh boldy. Ol esin jımaǵan kúıi jantásilim etti. Qazir órt tolyǵymen sóndirildi. Degenmen óńirdiń tótenshe jaǵdaılar qyzmetkerleri jalynnyń shyǵý sebepterin anyqtap jatyr.
