Shymkentte kópqabatty úıden qulaǵan áıeldiń ólimine qatysty qylmystyq is qozǵaldy

ShYMKENT. QazAqparat - Shymkentte kópqabatty úıden qulaǵan áıeldiń ólimine qatysty qylmystyq is qozǵaldy. Túrkistan oblystyq ІІD baspasóz qyzmetiniń málimetinshe, atalǵan jaıt Sotqa deıingi tergeýdiń biryńǵaı tizilimine QR QK -niń «ózin-ózi óltirýge deıin jetkizý» babymen tirkelgen, dep habarlaıdy QazAqparat tilshisi.

«Qazirgi tańda bolǵan oqıǵanyń mán-jaıy anyqtaýda. Sotqa deıingi tergep - tekserý amaldary júrgizilýde. Sot-medıtsınalyq saraptamalar taǵaıyndaldy»,- delingen habarlamada.

Aıta keteıik, qaıǵyly jaǵdaı búgin kúndizgi saǵat 12-00-der shamasynda qala ortalyǵyndaǵy kópqabatty úılerdiń birinde bolǵan edi. Shamamen 45 jastaǵy áıel 12 qabattan sekirip, mert boldy. Kýágerlerdiń aıtýynsha, marqum úıdiń 12-shi qabatyndaǵy balkonda biraz ýaqyt otyrǵan. Keıinnen sekirip ketken.

Jergilikti turǵyndarynyń sózinshe, baqılyq bolǵan áıel bul úıde turmaǵan. Onyń sońynda qalǵan zattardyń ishinen beımálim suıyqtyq quıylǵan kanıstr tabylǵan.