Shymkentte kópqabatty úıdegi órtten 12 adam qutqaryldy
ShYMKENT. QazAqparat - Shymkenttegi kópqabatty úılerdiń birinen órt shyǵyp, 12 adam qutqaryldy. 26 adam qaýipsiz jerge kóshirilgen, dep habarlaıdy «QazAqparat» HAA tilshisi.
Tilsiz jaý qalanyń ortalyǵyndaǵy Túrkistan kóshesindegi turǵyn úıdiń birinde oryn alǵan. Páterlerdiń birinen órt shyǵyp, turǵyndar órt sóndirýshilerdi shaqyrtqan. Oqıǵa ornyna kelgen bólimshe qyzmetkerleri aýdany 42 sh.m. páterdiń bir bólmesinde úı zattary janyp jatqanyn kóredi. Ony sóndirýge jeke quramnan 27 adam men 6 órt sóndirý tehnıkasy jáne shtabtyq avtokólik jumyldyrylǵan. Sonymen qatar, apattar medıtsınalyq ortalyǵynyń qyzmetkerleri de kómekke keldi.
Olar qyzyl jalyn saldarynan úıdiń turǵyndary tútinge tunshyǵyp, satymen syrtqa shyǵa almaı qalǵanyn kóredi. Osydan keıin úshinshi jáne tórtinshi qabattarǵa 2 úsh ıindi satyny qoıyp, qutqarý jumystaryn júrgizgen.
Bas-aıaǵy 38 adamdy, onyń ishinde 13 balany aman alyp qaldy. Eshkim jaraqat almaǵan. Órt sóndirýshilerdiń jedel jáne úılesimdi túrde áreketiniń nátıjesinde jalynnyń kórshi páterlerge jalǵasýyna jol berilmedi.
