Shymkentte kópirden sekirip ketpek bolǵan áıel qutqaryldy

ShYMKENT. QazAqparat - Shymkent qalalyq polıtsııa qyzmetkerleri kópirden sekirip ketpek bolǵan áıel adamdy der kezinde qutqaryp qaldy, dep habarlaıdy Polisia.kz.

19 maýsymda Shymkent qalasy Polıtsııa departamenti Eńbekshi aýdany Polıtsııa basqarmasynyń qyzmetkerleri A.Tórtbaı, M.Bektas, B.Ábdikárimov, N.Sebaev shaqyrtý boıynsha oqıǵa ornyna bara jatqan. Sol ýaqytta Qapal batyr kópiriniń ústinen sekireıin dep turǵan belgisiz áıel adamdy baıqap qalady. Polıtsııa qyzmetkerleri tez áreket etip, onyń janyna bardy. Polıtseılerdiń bireýi áıeldi sózge tartyp turǵanda, qalǵan úsh polıtseı ony kópirden tartyp, túsirip aldy. Osylaısha, tártip saqshylary bir adamnyń ómirin saqtap qaldy. Atalǵan jaıt Sotqa deıingi tergep-tekserýdiń biryńǵaı tizilimine QR QK 105-babynyń 1-bóligi «Ózin-ózi óltirýge deıin jetkizý» boıynsha tirkeldi.