Shymkentte kópbalaly analarǵa qyzmet kórsetetin ortalyqtar ashyldy

ShYMKENT. QazAqparat - Shymkentte kópbalaly analarǵa qyzmet kórsetetin ortalyqtar ashyldy. Bólimsheler qalanyń tórt aýdanynda qujattar qabyldap, rásimdeıtin bolady, dep habarlaıdy QazAqparat tilshisi.

Qala ákiminiń orynbasary Gúljan Qurmanbekova jańa ortalyqtarda bolyp, analarmen júzdesti. Olardy mazalaǵan máselelermen tanysyp, saýaldaryna jaýap berdi.

Aıta keteıik, búginde Shymkentte 30 myńǵa jýyq kópbalaly ana turady. Endi olar atalǵan ortalyqtarda jan-jaqty qyzmetter ala alady. Munda turǵyndar úshin yńǵaıly jaǵdaı jasalǵan. Qazir analarǵa memleket tarapynan ár balaǵa beriletin 21 myń teńge boıynsha qujat tapsyrý barysy túsindirilýde. Al, 1-30 sáýir aralyǵynda áleýmettik kómek alý boıynsha qujat qabyldaý bastalmaq.