Shymkentte kópbalaly analar avtobýsta tegin júretin boldy

ShYMKENT. QazAqparat - Úshinshi megapolıste kópbalaly analar sany 31 myńnan asady. Bul týraly qala ákimi Ǵabıdolla Ábdirahymov 2018 jylǵy esebinde aıtty, dep habarlaıdy QazAqparat.

Shahar basshysynyń málimetinshe, kópbalaly analar qoǵamdyq kólikte tegin júrýi úshin bıýdjetten arnaıy sýbsıdııa bólinedi.

«Memleket basshysynyń tapsyrmasy aıasynda kópbalaly analar 1 naýryzdan bastap Shymkenttegi qoǵamdyq kólikte tegin júre alady. Bul - analarǵa ákimdiktiń 8 naýryzǵa degen syılyǵy bolsyn. Degenmen, naryq talabyn eskere otyryp, kólik kompanııalarynyń osy baǵyttaǵy shyǵyndaryna sýbsıdııa retinde qarjy bólemiz», - dep atap ótti Ǵabıdolla Ábdirahymov.

Aıta ketý kerek, bıyl qoǵamdyq kólikti jańartý úshin Shymkentte 1 myń otandyq avtobýs satyp alynady.