Shymkentte kondýktor UOS ardagerin avtobýstan qýyp shyqpaq boldy
ShYMKENT. QazAqparat - Shymkentte qoǵamdyq kóliktiń kondýktory soǵys ardagerin avtobýstan qýyp shyqpaq boldy. Bul jaǵdaıdy ózge jolaýshylar uıaly telefonǵa túsirip alyp, áleýmettik jelige salǵan, dep habarlaıdy QazAqparat HAA tilshisi.
Beınejazba instagram jelisindegi zhest_kz paraqshasynda jarııalandy. Beınetúsirilimniń avtory onyń shym shahardaǵy 70-shi avtobýsta bolǵanyn aıtady. Ekinshidúnıejúzilik soqysyna qatysýshy degen kýáligin kórsetkenine qaramastan kondýktor ony avtobýstan qýyp shyqpaqshy bolady. Tipti oǵan dórekilik kórsetip, kúsh kórsetemin dep qorqytqan. Bul jaǵdaıdy kórip otyrǵan jolaýshylardyń biri kondýktor áıelge dórekilik kórsetpeýin aıtyp, ol kisiniń soǵys ardageri ekenin alǵa tartqan. Soǵan qaramastan bılet taratýshy kelinshek «bul kisige úndemesem, anaý basqalary otyr, olar da shyǵady» dep jaýap qaıtarǵan.
Shý basylmaǵan soń avtobýstaǵy jas jigit qarııaǵa jol aqysyn tólep, oǵan «Ata ýaıymdamaı otyra berińiz, men siz úshin tólep qoıdym» dep aıtqan. Osydan keıin baryp kondýktor áıel jónine ketken. Osynaý kórnisti áleýmettik jeliden kórgender túrli pikir qaldyrypty. Kópshiligi kondýktor áıeldiń dórekiligine qatysty syn aıtsa, endigileri olardyń tıin úshin bárine daıyn ekenin jazǵan.
Taǵy bir pikirin bildirgen azamat mundaı jaǵdaı sońǵy kezde jıilip bara jatqanyn, jasy úlken kisilerge qurmet kórsetilmeıtinine qynjylady. Jeli qoldanýshylar qalaı bolǵanda da qala basshylyǵy bul jaǵdaıdy aıaqsyz qaldyrmaıdy dep úmittenedi.
