Shymkentte kólikterdi urlap, bólshektep satqan kúdikti ustaldy
ShYMKENT. QazAqparat - Shymkent qalasyna qarasty Ál-Farabı aýdandyq polıtsııa bóliminiń qyzmetkerleri jyl basynan beri joǵalǵan 5 kólikti taýyp, osy qylmystarǵa qatysy bar degen eki kúdiktini qolǵa túsirdi, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Qańtar aıynyń basynda 36 jastaǵy Ordabasy aýdany turǵynynyń «VAZ-21099» markaly avtokóligin belgisiz tulǵalar aıdap ketken. Ýaqyt óte polıtseıler urlanǵan avtokólikti Shymkent qalasyndaǵy garajdardyń birinen tabady. Alaıda quny 250 myń teńgelik kólik qosalqy bólshekke bólinip, biraz bólshegi satylyp ketipti. Jedel izdestirý sharasy kezinde kólikti 1989 jyly týylǵan qala turǵynynyń urlaǵany anyqtaldy. Óz kinásin tolyq moıyndaǵan kúdikti buǵan deıin de avtokólikterdi urlap, qosalqy bólshekterge bólip satyp otyrǵanyn aıtqan. Al túsken qarjyny óz qajettiligine jumsapty.
Budan ózge Ál-Farabı polıtsııa bólimine taǵy tórt azamat kólikteriniń qoldy bolǵanyn aıtyp, aryzdanǵan. Urlanǵan kólikterdi izdestirý sharalaryn júrgizgen tártip saqshylary beıne baqylaý kameralary arqyly kúdiktiniń izine túsken. Ol 1993 jyly týylǵan , buryn sottalǵan Shymkent qalasynyń turǵyny bolyp shyqty. Kúdiktiden jaýap alý barysynda ol avtokólikti zańsyz aıdap ketýdiń 4 deregine qatysy bar ekenin moıyndaǵan. Aıtýynsha eń sońǵy qylmysyn 22 qańtar kúni jasaǵan. Mas halde bolǵanyna qaramastan túngi ýaqytta qala kósheleriniń jıeginde turǵan «Opel» markaly avtokólikti aıdap ketedi. Sóıtip, shahar ishin sol kólikpen aralap júripti.
«Kúdiktiler qoldaryna ár túrli kiltter alyp alyp, avtokólikterdiń qulpyn ashý arqyly alyp ketip otyrǵan. Qazirgi tańda eki kúdikti de tergeý abaqtysyna qamalyp, olardyń ústinen qylmystyq is qozǵaldy. Sotqa deıingi tergeý jalǵasýda», -dedi Shymkent qalalyq Ál-Farabı aýdandyq tergeý bóliminiń bastyǵy Nursultan Áshimov.
Aıǵaq zat retinde tárkilengen avtokóliktiń qosalqy bólshekteri men urlanǵan kólikterdi polıtseıler zańdy ıelerine qaıtarýda.
Aınur Aqbaeva
