Shymkentte kólik tonaǵan kúdikti jurtqa 6 mln teńgedeı shyǵyn keltirgen
ShYMKENT. QazAqparat - Shymkentte avtokólikterdi tonap júrgen kúdikti ustaldy. Tergeý barysynda seziktiniń jábirlenýshilerge 6 mln teńgedeı shyǵyn keltirgeni anyqtalyp otyr, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, avtokólikterge urlyq túskeni jaıly aryzdar ótken jyldyń qarasha aıynan túse bastaǵan. Qaladaǵy Abaı polıtsııa bólimine Túrkistan qalasynyń turǵyny aryzdanyp, «Lada Largýs» markaly avtokóliginiń ishinen belgisiz tulǵa iri kólemde aqsha urlap ketkenin kórsetipti.
Oqıǵa ornyna birden polıtsııa qyzmetkerleri jetken. Jedel izdestirý sharalary barysynda osy qylmysqa qatysy bar degen 20-25 jas shamasyndaǵy kúdikti ustaldy. Tergeý barasynda seziktiniń buryn-sońdy sotty bolǵany jáne basqa da avtokólikten jasalǵan urlyqtyń 8 jaıtyna qatysy bary anyqtaldy. Qazirgi tańda atalǵan jaıt boıynsha oǵan qatysty «Urlyq» babymen qylmystyq is qozǵalyp, sotqa deıingi tergeý amaldary júrgizilýde.
Jábirlenýshilerge 6 mln teńgege jýyq shyǵyn keltirgen jigit qamaýǵa alyndy.
