Shymkentte kólik terezesin kúńgirttegen 500-den astam júrgizýshige ákimshilik hattama toltyryldy
Sońǵy bir aıda shymkentte kólik terezesin kúńgirttegen 522 júrgizýshi jaýapkershilikke tartyldy. Olarǵa qatysty QR ÁQBtK-niń 590-baby 5 bóligi (Kólik quraldaryn paıdalaný qaǵıdalaryn buzý) boıynsha ákimshilik hattama toltyryldy. Sondaı-aq der kezinde avtokólik ıelerimen áınektegi kúńgirtteý qaǵazyn alyp tastaý jumystary júrgizildi.
«Patrýldik polıtsııa polkiniń qyzmetkerlerimen jol ústindegi quqyq buzýshylyqtardy boldyrmaý jáne ony der kezinde anyqtaý maqsatynda megapolıs joldarynda úzdiksiz reıdtik is-sharalar júrgizilip jatyr. Tehnıkalyq reglamentterdiń, ulttyq standart talaptaryna saı kelmeıtin, sondaı-aq kólik quraldaryn paıdalanýǵa tyıym salynatyn aqaýlar men jaǵdaılary bar kólik quraldaryn basqarý 5 AEK mólsherinde aıyppul salýǵa ákep soǵady», - delingen Shymkent qalasy Polıtsııa departamenti taratqan aqparatta.