Shymkentte kólik keptelisin azaıtatyn aspaly kópirdiń qurylysy bastaldy
ShYMKENT. QazAqparat - Shymkentte kólik keptelisin azaıtatyn aspaly kópirdiń qurylysy bastaldy. Temirlan tas joly men Ahýnbabaev kóshesiniń qıysylynda iri jol aıryǵy salynýda. Osyǵan oraı shahar bıligi ýaqytsha jabylǵan joldardy aınalyp ótý beıne syzbasyn jarııa etti, dep habarlaıdy QazAqparat HAA tilshisi.
Ákimdik taratqan beınerolıkte júrgizýshilerge durys baǵyttar kórsetilgen. Bul baǵyttar jazbasha túrde de taratylýda.
«Shymkent qalasynyń turǵyndary men qala qonaqtarynyń nazaryna! Sizderdiń nazarlaryńyzǵa Bekjan bazary mańyndaǵy qurylystan aınalyp ótý syzbasyn usynamyz. Sonymen, eger siz áýejaıǵa bet alsańyz, kólik tyǵynyna tap bolmas úshin Temirlan tasjoly arqyly kelip, "Shymkent-Tulpar" bazarynyń janynan ońǵa burylyp, Ál Farabı kóshesine túsý kerek. Osy kósheniń sońyna jetken soń Yntymaq shaǵynaýdanyna qaraı solǵa burylyp, qaıtadan Temirlan tasjolyna shyǵa alasyz. Al, qalaǵa áýejaı jaqtan oralý úshin osy baǵytpen Yntymaq shaǵynaýdany arqyly Tólemetov kóshesine deıin jetý kerek. Osy baǵytta qalaǵa Ótegenov kóshesi men Báıdibek bı dańǵyly arqyly kelýge bolady.
Shymkent qalasynyń ákimdigi qala turǵyndary men qonaqtaryna túsinistik tanytqandary úshin alǵys bildirip, ýaqytsha qolaısyzdyqtar úshin keshirim suraıdy», delingen aqparatta.
