Shymkentte kólik qaǵyp, mert bolǵan júrginshiniń tulǵasy anyqtaldy
ShYMKENT. QazAqparat - Shymkentte kólik qaǵyp, mert bolǵan júrginshiniń tulǵasy anyqtaldy. Eńbekshi aýdandyq polıtsııa bóliminiń málimetinshe, marqum 1962 jyly týǵan qala turǵyny ekeni anyqtalǵan, dep habarlaıdy QazAqparat tilshisi.
Eske salaıyq, jol-kólik oqıǵasy 1 jeltoqsan kúni qalanyń Beket batyr men Saıram kósheleriniń qıylysynda bolǵan edi. Toyota avtokóligin tizgindegen 30 jastaǵy júrgizýshi jaıaý adamdy qaǵyp ketip, jasy 50-55 shamasynda er azamat aýrýhanaǵa barar jolda kóz jumdy. Keıinnen tártip saqshylary onyń tulǵasyn anyqtaý úshin buqaralyq aqparat quraldaryna habarlama taratyp, kómek suraǵan-dy.
Qazirgi tańda jol-kólik oqıǵasy boıynsha Qylmystyq kodekstiń 345 baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha is qozǵalyp, tergeý amaldary júrgizilýde. Taǵaıyndalǵan birneshe saraptamalar qorytyndysy boıynsha tıisti protsesýaldyq sheshim qabyldanatyn bolady.
