Shymkentte kólik bólshegin satatyn bazardan 63 azamat polıtsııaǵa jetkizildi
Túrkistan oblystyq ІІD baspasóz qyzmetiniń málimetinshe, bul sharalar qala aýmaǵynda keń kólemde júrgizilip jatqan «Qaýipsiz qala» jedel-profılaktıkalyq is-sharasy aıasynda qolǵa alynyp otyr.
«Búgin polıtseıler bazardaǵy 174 satý núktesin tekserip, satýshylarmen profılaktıkalyq jumystar júrgizdi. Satýshylarǵa qatysty «Qylmys pen quqyqbuzýshylyq jasaýǵa áser etetin sebepter men jaǵdaılardy joıý jónindegi sharalar qabyldaý» jáne QR QK-niń 196-babyn basshylyqqa ala otyryp, «qylmystylyq joldarmen alynǵanyn bile tura, múlikti satyp alý» týraly eskertpe túrindegi 287 úndeý paraqtary taratyldy» delingen habarlamada. 
Polıtseılerdiń aıtýynsha, 25 shilde men 5 tamyz aralyǵynda ótip jatqan shara barysynda buryn qoldanysta bolǵan zattardy satatyn núktelerdi anyqtaý, ıaǵnı avtobólshekter satatyn oryndarǵa, lombardtarǵa, temir satatyn, uıaly telefon satatyn núktelerge jáne t.b. saýda oryndaryna keń kólemdi tekserý jumystaryn júrgizý, olardy tirkeýge alý kózdelip otyr.
Sondaı-aq, táýlikke jalǵa beriletin páterlerdi anyqtap, tirkeýsiz júrgen azamattardy, buryn sotty bolǵandardy tekserip, olar esepke alynady. Túngi ýaqytta oıyn-saýyq ortalyqtaryna, oıynhanalar men saýnalarǵa tekserý júrgizilmek. Jeke úılerge tekserý jumystary júrgizilip, esirtki zattary men zańsyz qarýlar anyqtalmaqshy.
«Qaýipsiz qala» is-sharasynyń ótken eki táýliginde, ıaǵnı 25-26 shilde kúnderi tártip saqshylary qala aýmaǵyndaǵy 892 núktege tekserý jumystaryn júrgizdi. Sonyń ishinde 405 páterge, 378 jeke úıge, 22 dúkenge, 13 janar-jaǵarmaı beketterine, 39 tamaqtaný oryndaryna, 5 bazarǵa, 9 lombardqa, 5 saýda úıine jáne 14 basqa da satý núktelerine tekserý jumystary júrgizildi. Júrgizilgen jedel-tekserý jumystary nátıjesinde 2 táýlikte 15 qylmystyń beti ashylyp, 168 ákimshilik quqyqbuzýshylyqtar anyqtaldy. Іshki ister organdaryna 144 tulǵa esepke alynyp, 10 tulǵa qabyldap-taratý oryndaryna jetkizildi. «Qaýipsiz qala» is-sharasyna Shymkent qalasynyń myńnan astam polıtsııa qyzmetkeri jumyldyrylyp, olar on kún boıy kúsheıtilgen tártipte jumys atqaratyn bolady» delingen ІІD baspasóz qyzmetiniń habarlamasynda. 
