Shymkentte kólik bagajy ústine otyryp kóshe aralaǵan jastarǵa aıyppul salyndy

ShYMKENT. QazAqparat – Shymkentte jeńil kólik ústinde otyryp kóshe aralaǵan jastar jaýapkershilikke tartyldy, dep habarlaıdy QazAqparat tilshisi.

Shymkenttik jastar qurbysyn jeńil kóliktiń ústine otyryǵyzyp, qala kóshelerin aralaǵan. Áleýmettik jelide taraǵan vıdeodan qyzdyń da esh qoryqpastan júk salǵyshtyń ústinde otyrǵanyn kórýge bolady.

Polıtsııa izdestirý is-sharalarynyń nátıjesinde jazbada kórsetilgen júrgizýshini anyqtady. Ol 24 jastaǵy qala turǵyny bolyp shyqty. Quqyqbuzýshy vıdeo túsirý úshin jol qozǵalysy erejesin buzǵan.

«Ol «Jolaýshylar men júkterdi tasymaldaý qaǵıdalaryn saqtamaý» baby boıynsha jaýapkershilikke tartyldy. Oǵan 5 AEK aıyppul salynýy múmkin» - delingen Shymkent qalasy polıtsııa departamentiniń baspasóz qyzmeti taratqan habarlamada.

Vıdeodan alynǵan kadr