Shymkentte kóligimen joǵalyp ketti degen turǵyn Almatydan tabyldy
ShYMKENT. QazAqparat - Shymkentte kóligimen joǵalyp ketti degen turǵyn 4 kúnnen keıin tabyldy. 35 jastaǵy Hıkmatılla Haldarov Almatyǵa ketken bolyp shyqty, dep habarlaıdy QazAqparat HAA tilshisi.
Alaıda ol jeke sharýalarymen Almaty qalasyna baratynyn týystaryna eskertpepti. Sóıtip kóligin qaladaǵy kóshelerdiń birine tastap, ózi jolmen shyǵyp ketkeni anyqtaldy.
Eske salaıyq, 5-shi maýsym kúni Ál-Farabı aýdandyq polıtsııa bólimine qala turǵyny kelip aryzdanyp, onyń 1982 jyly týǵan aǵasy kóligimen birge joǵalyp ketkenin kórsetken. Ony jedel izdestirý sharalaryna polıtsııa bóliminiń tolyq quramy jumyldyrylyp, aldymen kóligin taýyp alady. Eki kún ótken soń Haldarovtyń ózi tabylǵan. 
