Shymkentte kóligimen polıtseıdi súırep áketken júrgizýshi qamaýǵa alyndy
ShYMKENT. QazAqparat - Shymkenttik júrgizýshi ortalyq kóshelerdiń birinde polıtseıdi kóliginiń ústimen súırep ketken. Bul kórinis artynda kele jatqan kóliktiń kamerasyna túsip qalypty. Beınetúsirilim ınstagramda jarııalandy, dep habarlaıdy QazAqparat HAA tilshisi.
Shymkenttiń Ilıaev kóshesi men Qonaev dańǵylynyń qıylysynda tártip saqshysy júrgizýshiniń aldyna turyp, sóılep jatady. Qımylyna qaraǵanda ony toqtatpaq bolǵan. Alaıda oǵan júrgizýshi baǵynbaı, kerisinshe tártip saqshysyn kóligimen súırep ketipti. Biraz júrip baryp aqyry kóligin toqtatqan. Osy oqıǵany kózben kórgen ózge júrgizýshiler áleýmettik jelilerde tańdanysyn jasyrmaǵan.
Dese de «Opel vektra» kóligi júrgizýshisiniń bul áreketi jazasyz qalmaıtyn sııaqty. Polıtseıler ony sol kúni-aq ustap, ýaqytsha tergeý abaqtysyna qamap qoıypty.
Oblystyq ІІD baspasóz qyzmetiniń bas mamany Spabek Jarqynbekovtiń sózinshe, polıtseı Shymkent qalalyq ІІB qarasty jergilikti polıtsııa ınspektory eken. Ol jeńil kólikti tyıym salynǵan jerge qoıǵany úshin júrgizýshiden qujattaryn suraǵan. Alaıda júrgizýshi qujatyn bermesten, júrip ketipti. Belgili bolǵandaı, ol 38 jastaǵy qala turǵyny eken. Qazir onyń ústinen Qylmystyq kodekstiń 380 baby boıynsha («Bılik ókiline qatysty kúsh qoldaný») is qozǵalyp, tergeý amaldary júrgizilýde. Júrgizýshiniń kinási dáleldengenshe ol ýaqytsha ustaý abaqtysynda bolady.
V Shymkente vodıtel prokatıl polıtseıskogo na kapote mashıny
