Shymkentte qol dobynan el chempıonaty aıaqtaldy

Elimizdiń premer-lıga komandalary qatysqan jarysta Shymkenttiń «Qazyǵurt» komandasy jeńimpaz atandy, dep habarlaıdy QazAqparat HAA tilshisi. 

Jarys eki baǵytta, atap aıtqanda, sýper- lıga jáne joǵary lıga  komandalary arasynda órbidi. Sýper-lıgada  «Qazyǵurt» komandasy men Astananyń qol doby sheberleri kezdesip, Jandos Oshaqbaev baptaıtyn alań ıeleri 40-30 esebimen altyn medaldi jeńip aldy. Qurama sapynda erekshe  ónerimen kózge  túsken  qol doby sheberi Asqan Óksekbaev chempıonattyń  úzdik sportshysy atandy. Qola medaldi Aqtóbeniń «Namys» komandasy enshiledi. «Qazyǵurt» sport oıyn túrleri klýbynyń dırektory Rústembek Qojanov chempıon komandaǵa tıesili syılyqqa ıe boldy.  Al, Joǵary lıga komandalary arasyndaǵy altynǵa talas alty komandanyń arasynda órbidi. Sheshýshi kezdesýde Qostaıdan kelgen gandbolshylar Qaraǵandy qalasynyń sportshylaryn  aıqyn basymdyqpen utyp, bas júldeni oljalady. Qola medal alań qojaıyndary «Qazyǵurt» sport oıyn túrleri klýbyna buıyrdy. Osylaısha  «Qazyǵurt» klýby ekinshi jyl qatarynan el chempıony atanyp otyr. Endi quramaǵa alynǵan sportshylar Azııa chempıonatyna qatysady dep kútilýde.