Shymkentte qoqystyń arasynan náresteniń máıiti tabyldy

ShYMKENT. QazAqparat – Shymkentte qoqystyń arasynan náresteniń máıiti tabyldy, dep habarlaıdy QazAqparat.

Qalalyq Polıtsııa departamenti baspasóz qyzmetiniń málimetterine qaraǵanda, 18 qazan kúni polıtsııaǵa Rysqulov kóshesi boıynda ornalasqan qoqys jáshikterin tazalaý barysynda jańa týǵan balanyń máıiti tabylǵany týraly habarlama tústi.

Oqıǵa ornyna jetken jedel-tergeý toby «LTD-Turmys» JShS qyzmetkerleri tazalaý jumystaryn júrgizý barysynda qoqys jáshiginiń ishinen jańa týǵan balanyń máıiti bar paketti tapqanyn anyqtady.

Atalǵan fakti boıynsha QR QK-niń 100-babymen (Jańa týǵan balany anasynyń óltirýi) sotqa deıingi tergep-tekserý amaldary bastaldy. Oqıǵa ornynda jedel-tergeý toby jumys isteýde.

«QR QPK-niń 201-babyna sáıkes ózge aqparat tergeý qupııasyn saqtaý jáne ony qamtamasyz etý maqsatynda jarııa etýge jatpaıdy»,-delingen habarlamada.