Shymkentte qoqys suryptaıtyn konteınerler ornatyla bastady
Bul pılottyq joba alǵash ret Qarataý aýdany aýmaǵynda júzege asyp otyr. Munda qoıylǵan konteınerlerde 8 kópqabatty turǵyn úıdiń turmystyq qaldyǵy suryptalady. Bul baǵytta alǵashqyda arnaıy bir qyzmetker jumys isteıdi. Ol temir, plastık zattar men shyny, qaǵaz jáne tamaq qaldyqtaryn bólip otyrady. Keıin turǵyndardyń qaldyqty suryptap tastaý mádenıeti qalyptasqan soń, joba ózdiginen iske qosylady.
Ázirge ınvestor «DE support» mekemesi turmystyq qaldyqtarǵa arnalǵan 5 túrli konteıner ornatqan. Al, kelesi aıda qaladaǵy 15 orynǵa jańa konteınerlerdi ornatý josparlanyp otyr.
«Bul baǵyttaǵy jobalar óskeleń urpaqtyń boıynda ekologııalyq mádenıetin qalyptastyryp qana qoımaı, qorshaǵan ortanyń tazalyǵyna kóńil bólýge shaqyrady. Turǵyndar arnaıy konteınerlerge qosymsha aqy tólemeıdi. Investor retimen jınalǵan qaldyqtardy qaıta óńdeý úshin kásiporyndarǵa ótkizip, paıda tabady» - delingen Shymkent qalasy ákimdiginiń baspasóz qyzmeti taratqan aqparatta.
