Shymkentte qoqys polıgonynan náresteniń máıiti tabyldy
ShYMKENT. QazAqparat - Shymkentte qoqys polıgonynan náresteniń máıiti tabyldy. Qazirgi tańda óńirdiń polıtseıleri osy oqıǵaǵa qatysty qylmystyq is qozǵady, dep habarlaıdy QazAqparat tilshisi.
«Osy oqıǵaǵa qatysty is Shymkent qalasyna qarasty Abaı aýdandyq polıtsııa bólimine tirkelip, qylmystyq is qozǵaldy. Birqatar sot medıtsınalyq saraptamalar taǵaıyndalyp, anasy izdestirilýde. Tabylǵan máıit tolyqqandy adam, jynysy qyz bala», - dedi Oblystyq ІІD baspasóz qyzmetiniń jetekshisi Saltanat Qarakózova.
Eske salaıyq, búgin Shymkette qoqys polıgonynan jańa týylǵan náresteniń máıiti tabylǵan bolatyn. Sábıdiń óli denesin kúndizgi saǵat 11:30 shamasynda turmys qaldyqtaryn zaýytqa jetkizetin júk tasymldaýshy taýyp alǵan edi. Sóıtip, dereý polıtsııaǵa habar bergen.
Oqıǵa ornyna jetken tártip saqshylary qazir osy jaǵdaıǵa baılanysty tergeý sharalaryn júrgizýde.
